"व्यर्थ न हो बलिदान" धर्मवीर छत्रपती श्री संभाजी महाराजांच्या पुण्यतिथीनिमित्त रक्तदान शिबिर

  धर्मवीर छत्रपती संभाजी महाराजांच्या पुण्यतिथी निमित्ताने ५१ शंभुभक्तांनी केले रक्तदान.

बीड : धर्मवीर संभाजी महाराजांच्या पुण्यतिथी निमित्ताने बीड शहरातील आणि परीसरातील ५१ तरुणांनी सोमेश्वर मंदिर या ठिकाणी शुक्रवार दिनांक:-०१/०४/२०२२ रोजी रक्तदान केले.

याबाबत सविस्तर माहिती अशी की धर्मवीर संभाजी महाराजांना औरंगजेबाने पकडल्या गेल्या क्षणापासून ते त्यांचा जीव जाईपर्यंत ४०दिवस हालहाल करून यातना देऊन मारले.. या ४०दिवसांत संभाजी महाराज औरंग्यापुढे झुकले नाहीत की याचना केली नाही, मोठ्या धीरोदात्तपणे राजांनी देवदेशधर्मासाठी मरण स्विकारले. 

     या ४०दिवसांत संभाजी महाराजांना ज्या यमयातना झाल्या त्या लक्षात घेऊन श्री शिवतीर्थ परिवार बीड मधील तरुणांनी संपूर्ण फाल्गुन महिना आवडीचा पदार्थ सोडून दररोज संभाजी महाराजांना आदरांजली वाहुन बलिदानमास पाळला.. महिनाभर संभाजी महाराजांवर अत्याचार झाल्यानंतर औरंगजेबाने महाराजांना पाडव्याच्या आदल्या दिवशी यासाठी मारले की हिंदूंनी दुसऱ्या दिवशीचा पाडवा साजरा करु नये. असा इतिहास सर्वांनाच माहिती आहे... हेच लक्षात घेऊन या तरुणांनी ज्या पुण्यतिथीला संभाजी महाराज अमर झाले त्या दिवशी रक्तदान करून संभाजी महाराजांना वंदन केले.

मृत्यूस ही न डरले मनी धर्मवीर 

फुटले स्व नेत्र तुटले जरी जीभ शीर

दूरदांत दाहक ज्वलंत समाज व्हावा

म्हणूनी उरात धरूया शिवसिंह छावा

     यावेळी ॲड. विठ्ठल शेळके म्हणाले की, श्री शिवाजी श्री संभाजी रक्तगटाचा तरूण निर्माण व्हावा म्हणून, "संपूर्ण फाल्गुन महिना संभाजी महाराजांच्यावरील अन्यायाविरुद्ध  आपणही संभाजी महाराजांसारखे देवदेशधर्मासाठी करारी आणि स्वाभिमानी बाणा तेवत ठेवावा या उद्देशाने श्री संभाजीराव भिडे गुरुजींनी गेल्या चाळीस वर्षांपासून हा बलिदानमास नावाचा पुण्यवान उपक्रम संपूर्ण हिंदू समाजाला दिला ,तोच वारसा आम्ही आमच्या श्वासात श्वास असेपर्यंत पाळु."

यावेळी श्री रमेशभाऊ पोकळेंनी आपले मनोगत व्यक्त करताना सांगितले की, "औरंगजेब हा वाईट वृत्तीचा होता त्याला जर कोणी संत घोषित करत असेल तर शिवशंभू भक्त म्हणून आम्ही गप्प बसणार नाही,संभाजी महाराज होते म्हणून आपले अस्तित्व आहे."

यावेळी कार्यक्रमाला प्रमुख उपस्थितांमध्ये श्री ॲड. मंगेश पोकळे साहेब, ॲड. के एस पंडित साहेब, ॲड. बप्पा औटी साहेब, ॲड. एन एन साबळे साहेब,ॲड. शहाजीराव जगताप साहेब, ॲड. लहुराव पोपळे साहेब,तसेच सामाजिक कार्यकर्ते श्री किशोर आप्पा पिंगळे,श्री गोरख भाऊ शिंदे, प्रा. डॉ. भुसारी सर उपस्थित होते.

 या सर्व कार्यक्रमासाठी श्री शिवतिर्थ परीवार बीडचे सर्व तरुणांचे तसेच सोमेश्वर मंदिर ट्रस्टचे श्री. नवनाथ आण्णा शिराळे तसेच बीड ब्लड बँकेचे अनिल बिराजदार सरांचे सहकार्य लाभले.

@महाराष्ट्र प्राईम